ZKE Halterofiliak ezin hobeto ekin zion bere 40. denboraldiari. Larunbatean izan zen Gipuzkoako Senior Txapelketara sei atleta sailkatu eta bertan bost domina lortu zituzten zarauztarrek.
Jaizki eta Jon Mendizabal anaiek urrezko bina domina lortu zituzten 77 eta 94 kiloko kategorietan. Jonen kategoria berdinean Jairo Estebanek zilarrezko domina lortu zuen. 85 kiloko kategorian berriz, Borja Bravo, Inko Illarramendi eta Pedro Gonzalez gogor jardun ziren Zizurkiletik etorritako eta espainiako selekzioaren parte den Teddy Martinez aurre zutela. Azkenean Borjak zilarrezko domina lortu zuen, Inkok brontzezkoa eta Pedrok laugarren postua.
